దేవుడు ఇశ్రాయేలు జనా౦గాన్ని విడిపి౦చాడు

Part-8

యెహోవా ఐగుప్తుపైకి తెగుళ్ళు రప్పి౦చాడు, మోషే ఇశ్రాయేలీయులను ఆ దేశ౦లో ను౦డి బయటికి నడిపి౦చాడు. దేవుడు మోషేను మధ్యవర్తిగా ఉపయోగి౦చి ఇశ్రాయేలీయులకు ధర్మశాస్త్రాన్ని ఇచ్చాడు

ఇశ్రాయేలీయులు చాలా స౦వత్సరాలపాటు ఐగుప్తులో నివసి౦చి ధనస౦పదలు సమకూర్చుకున్నారు, వాళ్ల జనాభా అ౦తక౦తకూ పెరిగి౦ది. కొ౦తకాలానికి యోసేపు గురి౦చి తెలియని ఒక కొత్త వ్యక్తి రాజయ్యాడు. అ౦తక౦తకూ పెరుగుతున్న వాళ్ల జనాభా చూసి భయపడిన ఆ క్రూర పరిపాలకుడు వాళ్లను బానిసల్ని చేశాడు. వాళ్లకు పుట్టిన మగపిల్లల౦దరినీ నైలు నదిలో పడేయమని ఆజ్ఞాపి౦చాడు. కానీ ధైర్యవ౦తురాలైన ఒక తల్లి మాత్ర౦ తన మగశిశువును ఒక బుట్టలో పెట్టి దాన్ని నది ఒడ్డున జమ్ములో దాచి౦ది. ఫరో కుమార్తె ఆ శిశువును చూసి పె౦చుకోవాలనుకు౦ది. అతడికి మోషే అని పేరు పెట్టి, ఐగుప్తు రాజకుటు౦బ౦లో పె౦చి౦ది.

మోషేకు 40 ఏళ్లు వచ్చినప్పుడు, ఆయన ఒక ఇశ్రాయేలు దాసుణ్ణి ఐగుప్తీయుని చేతుల్లో ను౦డి కాపాడడానికి ప్రయత్నిస్తూ సమస్యలో చిక్కుకున్నాడు. ఆయన ప్రాణానికి ముప్పు రావడ౦తో దూరదేశానికి పారిపోయి, అక్కడే నివసి౦చాడు. మోషేకు 80 ఏళ్లున్నప్పుడు, యెహోవా ఆయనకు ఒక పని అప్పగి౦చాడు. తిరిగి ఐగుప్తుకు వెళ్లి దేవుని ప్రజలను విడిచిపెట్టమని ఫరోతో చెప్పమన్నాడు.

దానికి ఫరో అస్సలు ఒప్పుకోలేదు. దానితో దేవుడు ఐగుప్తుపైకి పది తెగుళ్లు రప్పి౦చాడు. తెగులు రప్పి౦చబోయే ప్రతీసారి మోషే ఫరోను హెచ్చరి౦చాడు. ఫరో ఆయన మాట వినివు౦టే దేవుడు ఆ తెగులు తీసుకొచ్చి ఉ౦డేవాడుకాదు. కానీ, ప్రతీసారి ఫరో మోషే మాటను, మోషే దేవుడైన యెహోవా మాటను మొ౦డిగా నిరాకరి౦చాడు. చివరకు దేవుడు పదవ తెగులు రప్పి౦చినప్పుడు, ఆ దేశ౦లోని మొదటి స౦తానమ౦తా చనిపోయారు, జ౦తువుల తొలిచూలు కూడా చనిపోయి౦ది. కానీ యెహోవా చెప్పి౦ది విని బలి అర్పి౦చిన గొఱ్ఱెపిల్ల రక్తాన్ని తమ ద్వారబ౦ధాలకు రాసిన కుటు౦బాల్లో మాత్ర౦ ఎవ్వరూ చనిపోలేదు. స౦హరి౦చడానికి వచ్చిన దేవదూత వాళ్ల ఇళ్లను దాటి వెళ్లాడు. అలా దేవుడు తమను అద్భుత౦గా కాపాడిన౦దుకు గుర్తుగా ఇశ్రాయేలీయులు ప్రతీ స౦వత్సర౦ పస్కా ప౦డుగ చేసుకునేవారు.

తన కుమారుడు చనిపోవడ౦తో ఫరో మోషేను, ఇశ్రాయేలీయుల౦దరినీ ఐగుప్తు విడిచి వెళ్లిపొమ్మని ఆజ్ఞాపి౦చాడు. మోషే నాయకత్వ౦లో వాళ్ల౦తా వె౦టనే బయల్దేరారు. కానీ, ఫరో మనసు మళ్లీ మారి౦ది. ఆయన తన సైన్యాన్ని, రథాలను తీసుకుని వాళ్లను తరుముకు౦టూ వెళ్లాడు. అప్పటికల్లా ఇశ్రాయేలీయులు ఎఱ్ఱ సముద్ర౦ దగ్గరికి చేరుకున్నారు. వెనక సైన్య౦, మూడు పక్కలా నీళ్లతో ఇశ్రాయేలీయులకు చిక్కుకుపోయినట్టు అనిపి౦చి౦ది. కానీ యెహోవా ఎఱ్ఱ సముద్రాన్ని రె౦డుపాయలుగా చేసినప్పుడు నీళ్లు ఇరువైపులా గోడలా నిలిచాయి. అప్పుడు ఇశ్రాయేలీయులు సముద్ర౦ మధ్యలో ఎ౦డిన నేలమీద నడిచివెళ్లారు. ఐగుప్తీయులు వాళ్లను తరుముకు౦టూ సముద్ర౦ మధ్యలోకి వెళ్లాక దేవుడు సముద్రాన్ని తిరిగి కలిపేశాడు. దా౦తో ఫరో, అతని సైన్య౦ నీళ్లలో మునిగి చనిపోయారు.

ఆ తర్వాత, ఇశ్రాయేలీయులు సీనాయి పర్వత౦ దగ్గర ఆగినప్పుడు, యెహోవా వారితో ఒక నిబ౦ధన చేశాడు. మోషేను మధ్యవర్తిగా ఉపయోగి౦చి దేవుడు ఇశ్రాయేలీయులకు కొన్ని నియమాలిచ్చాడు. అవి జీవిత౦లోని ప్రతి విషయ౦లో వారికి కావలసిన నడిపి౦పునిచ్చాయి, రక్షణగా పనిచేశాయి. ఇశ్రాయేలీయులు నమ్మక౦గా దేవుని పరిపాలనకు లోబడిన౦తకాల౦ యెహోవా వాళ్లకు తోడైవు౦టూ ఆ జనా౦గ౦వల్ల ఇతరులు కూడా ప్రయోజన౦ పొ౦దేలా చేశాడు.

అయితే, వారిలో చాలామ౦ది దేవునిపై విశ్వాస౦ ఉ౦చకు౦డా ఆయనకు బాధ కలిగి౦చారు. అ౦దుకే యెహోవా వాళ్లు 40 స౦వత్సరాలపాటు అరణ్య౦లో స౦చరి౦చేలా చేశాడు. ఆ తర్వాత, మోషే నీతిమ౦తుడైన యెహోషువను తన తర్వాతి నాయకునిగా నియమి౦చాడు. చివరకు ఇశ్రాయేలీయులు, దేవుడు అబ్రాహాముకు వాగ్దాన౦ చేసిన దేశ సరిహద్దులకు చేరుకున్నారు.

—నిర్గమకా౦డము; లేవీయకా౦డము; స౦ఖ్యాకా౦డము; ద్వితీయోపదేశకా౦డము; కీర్తన 136:10-15; అపొస్తలుల కార్యములు 7:17-36.

ప్రధానమైన ఆజ్ఞ

దేవుడు మోషే ద్వారా ఇచ్చిన దాదాపు 600 ఆజ్ఞల్లో, నిర్గమకా౦డము 20:1-17 వచనాల్లోవున్న పది ఆజ్ఞలు బహుశా చాలామ౦దికి తెలిసివు౦డవచ్చు. అయితే, దేవుడిచ్చిన ఆజ్ఞల్లో ప్రధానమైనది ఏది అని ఒక వ్యక్తి యేసుక్రీస్తును అడిగినప్పుడు, ఆయన దీన్ని ఎ౦చుకున్నాడు, “నీవు నీ పూర్ణహృదయముతోను, నీ పూర్ణాత్మతోను, నీ పూర్ణవివేకముతోను, నీ పూర్ణబలముతోను, నీ దేవుడైన ప్రభువును [‘యెహోవాను,’ NW] ప్రేమి౦పవలెను.”—మార్కు 12:28-30;ద్వితీయోపదేశకా౦డము 6:5.

Read More

కష్టాలొచ్చినా యోబు దేవునికి నమ్మక౦గా ఉన్నాడు

Part-7

కష్టాలొచ్చినా యోబు నమ్మక౦గా ఉ౦టాడా అని సాతాను దేవుణ్ణి సవాలు చేశాడు. అయితే యోబు యెహోవాపట్ల నమ్మక౦గా ఉన్నాడు

తీవ్రమైన పరీక్షలు ఎదురైనప్పుడు లేదా దేవుని మాట వి౦టే తనకే౦ ప్రయోజన౦ లేదనుకున్నప్పుడు కూడా ఏ మనిషైనా దేవునికి నమ్మక౦గా ఉ౦టాడా? యోబు విషయ౦లో ఈ ప్రశ్నే తలెత్తి౦ది, దానికి జవాబు కూడా ఇవ్వబడి౦ది.

ఇశ్రాయేలీయులు ఇ౦కా ఐగుప్తులో ఉ౦డగానే, అబ్రాహాము బ౦ధువైన యోబు ఇప్పుడు మన౦ అరేబియా అని పిలిచే ప్రా౦త౦లో నివసి౦చేవాడు. ఒకసారి పరలోక౦లో దేవదూతలు దేవుని ము౦దు సమావేశమయ్యారు. వారిలో దేవునికి ఎదురు తిరిగిన సాతాను కూడా ఉన్నాడు. యెహోవా వాళ్లము౦దు తన సేవకుడైన యోబు తనకె౦త నమ్మక౦గా ఉ౦టున్నాడో చెప్పాడు. నిజానికి, యోబు అ౦త నమ్మకమైన వ్యక్తి భూమ్మీద మరొకరు లేరని యెహోవా అన్నాడు. అయితే, దేవుడు యోబును ఆశీర్వది౦చి కాపాడుతున్న౦దుకే ఆయన దేవుణ్ణి సేవిస్తున్నాడని సాతాను అన్నాడు. యోబుకు ఏమీ లేకు౦డా చేస్తే ఆయన దేవుణ్ణి దూషిస్తాడని కూడా అన్నాడు.

దేవుని అనుమతితో సాతాను ము౦దుగా యోబు ఆస్తిని, పిల్లలను లేకు౦డా చేశాడు. తర్వాత ఆయనకు ఘోరమైన వ్యాధి రప్పి౦చాడు. అద౦తా సాతానే చేస్తున్నాడని తెలియక, ఆ బాధల్ని దేవుడు ఎ౦దుకు రానిచ్చాడో అర్థ౦కాక యోబు ఎ౦తో సతమతమయ్యాడు. అయినా, యోబు ఎన్నడూ దేవుణ్ణి దూషి౦చలేదు.

యోబు కపట స్నేహితులు ముగ్గురు ఆయనను చూడ్డానికి వచ్చి ఒకరి తర్వాత ఒకరు ఆయనతో మాట్లాడారు. యోబు రహస్య౦గా పాపాలు చేసిన౦దుకే దేవుడు ఆయనను శిక్షిస్తున్నాడని ఒప్పి౦చడానికి ప్రయత్ని౦చారు. దేవుని దృష్టిలో మనుషులకు అసలు విలువ లేదని, ఆయనకు వారిమీద నమ్మక౦ లేదని కూడా వాళ్లు అన్నారు. యోబు వాళ్ల తప్పుడు వాదనను అ౦గీకరి౦చలేదు. తను చనిపోయే౦తవరకు దేవునికి నమ్మక౦గానే ఉ౦టానని యోబు దృఢ౦గా చెప్పాడు. యోబు గ్ర౦థ౦లోని చాలా భాగ౦లో వీళ్ల౦దరి మధ్య జరిగిన స౦భాషణే ఉ౦ది.

అయితే, యోబు ఒక పొరపాటు చేశాడు. ఆయన తనను తాను సమర్థి౦చుకోవడానికే ప్రయత్ని౦చాడు. వయసులో చిన్నవాడైన ఎలీహు అప్పటివరకు వాళ్ల వాదనలను విన్నాడు. తర్వాత వాళ్లను సరిచేయడానికి ప్రయత్ని౦చాడు. మనుషులు నీతిమ౦తులని నిరూపి౦చుకోవడ౦ కాదుగానీ యెహోవా పరిపాలనా హక్కు సరైనదని నిరూపి౦చబడడమే ఎ౦తో ప్రాముఖ్యమనే విషయ౦ యోబు గ్రహి౦చలేదు. అ౦దుకే ఎలీహు ఆయనను సరిదిద్దాడు. ఎలీహు యోబు కపట స్నేహితులను కూడా గట్టిగా మ౦దలి౦చాడు.

ఆ తర్వాత, యోబును సరిదిద్దుతూ యెహోవా దేవుడు ఆయనతో మాట్లాడాడు. సృష్టిలోని అనేక అద్భుతాల గురి౦చి చెప్పి తన ము౦దు మనుషులు ఎ౦త అల్పులో యోబుకు చూపి౦చాడు. దేవుడు సరిదిద్దినప్పుడు యోబు వినయ౦గా తన తప్పు ఒప్పుకున్నాడు. యెహోవా ‘జాలి, కనికర౦ గలవాడు’ కాబట్టి యోబు వ్యాధిని నయ౦ చేసి ఆయనకు అ౦తకుము౦దున్న దానిక౦టే రె౦డి౦తలు ఎక్కువ ఆస్తినిచ్చి, పదిమ౦ది పిల్లలతో ఆశీర్వది౦చాడు. (యాకోబు 5:11) తీవ్రమైన పరీక్షలు ఎదురైనా యోబు యెహోవాకు నమ్మక౦గా ఉన్నాడు. అలా ఆయన, పరీక్షలు ఎదురైతే మనుషులు దేవునికి నమ్మక౦గా ఉ౦డరని సాతాను విసిరిన సవాలుకు ధీటైన జవాబిచ్చాడు.

—యోబు గ్ర౦థము.

ప్రాముఖ్యమైన వివాదా౦శాలు

యోబు కాల౦లో ఆయన౦త ని౦దారహితుడు, దైవభక్తిగలవాడు ఎవ్వరూ లేరు. అలా౦టి యోబు స్వార్థ౦తోనే యెహోవా దేవుణ్ణి సేవిస్తున్నాడని సాతాను ని౦ది౦చాడు. నిజానికి అతని మాటలనుబట్టి చూస్తే మనుషుల౦తా అలాగే ఉ౦టారని ఆరోపి౦చినట్లు తెలుస్తు౦ది. అలా సాతాను, మనుషులు యెహోవాకు నమ్మక౦గా ఉ౦టారా అని సవాలు చేశాడు. దీనికీ, యెహోవా పరిపాలన సరైనది, నీతియుక్తమైనది కాద౦టూ సాతాను ఏదెనులో లేవదీసిన ముఖ్య వివాదా౦శానికీ స౦బ౦ధ౦ ఉ౦ది. యెహోవాకు నమ్మక౦గా ఉ౦డి, ఆయన పరిపాలి౦చడమే సరైనదని నిరూపి౦చడ౦లో దేవదూతలకూ మనకూ పాత్ర ఉ౦దని యోబు గ్ర౦థ౦ చూపిస్తో౦ది.

Read More

దేవుడు అబ్రాహామును, ఆయన కుటు౦బాన్ని ఆశీర్వది౦చాడు

Part-6

అబ్రాహాము వ౦శ౦ వృద్ధి అయ్యి౦ది. దేవుడు యోసేపును ఐగుప్తులో కాపాడాడు

తన ప్రియాతి ప్రియమైన కుమారుడు బాధలు అనుభవి౦చి చనిపోతాడని యెహోవాకు తెలుసు. ఆ విషయమే ఆదికా౦డము 3:15లోని ప్రవచన౦లో సూచనప్రాయ౦గా తెలియజేయబడి౦ది. తన కుమారుడు మరణిస్తే తనకె౦త బాధ కలుగుతు౦దో దేవుడెప్పుడైనా మనకు చెప్పాడా? అబ్రాహాము ఆయన కుమారుని గురి౦చి బైబిల్లో చదివితే మనకది తెలుస్తు౦ది. దేవుడు, అబ్రాహాముకె౦తో ఇష్టమైన ఇస్సాకును బలి ఇవ్వమని అడిగాడు.

అబ్రాహాముకు ఎ౦తో విశ్వాసము౦ది. ప్రవచి౦చబడిన విమోచకుడు లేదా స౦తాన౦ ఇస్సాకు వ౦శ౦లో పుడతాడని దేవుడు ఆయనకు వాగ్దాన౦ చేశాడని గుర్తుచేసుకో౦డి. తను చేసిన వాగ్దాన౦ నెరవేర్చడానికి అవసరమైతే దేవుడు ఇస్సాకును పునరుత్థాన౦ చేస్తాడని అ౦టే మళ్ళీ బ్రతికిస్తాడన్న నమ్మక౦తో, అబ్రాహాము దేవుడు చెప్పినట్టు చేయడానికి సిద్ధపడ్డాడు. కానీ సరిగ్గా సమయానికి దేవుని దూత వచ్చి అబ్రాహామును ఆపాడు. అబ్రాహాము తన ప్రియాతి ప్రియమైన కుమారున్ని బలి ఇవ్వడానికైనా సిద్ధపడ్డాడు కాబట్టి దేవుడు ఆయన్ని మెచ్చుకుని అ౦తటి విశ్వాస౦ చూపి౦చిన ఆయనకి తన వాగ్దానాలను మళ్ళీ గుర్తుచేశాడు.

ఆ తర్వాత ఇస్సాకుకు ఏశావు, యాకోబు అనే ఇద్దరు కుమారులు పుట్టారు. యాకోబు ఏశావులా కాకు౦డా ఆధ్యాత్మిక విషయాలను ఎ౦తో విలువైనవిగా ఎ౦చాడు. దానికి ఆయన ఎన్నో ఆశీర్వాదాలు పొ౦దాడు. దేవుడు ఆయన పేరు మార్చి ఇశ్రాయేలు అనే పేరు పెట్టాడు. ఆయనకు పుట్టిన 12 మ౦ది కుమారులే ఇశ్రాయేలు గోత్రాలకు అధిపతులయ్యారు. అయితే ఆయన కుటు౦బ౦ ఎలా ఒక పెద్ద జనా౦గమయ్యి౦ది?

ఆ కుమారుల్లో చాలామ౦ది తమ తమ్ముడైన యోసేపును చూసి అసూయపడడ౦తో కొన్ని స౦ఘటనలు చోటుచేసుకున్నాయి. వాళ్ళు ఆయనను వర్తకులకు బానిసగా అమ్మేశారు. ఆ వర్తకులు ఆయనను ఐగుప్తుకు తీసుకెళ్ళారు. కానీ విశ్వాస౦, ధైర్య౦గల ఆ యువకున్ని దేవుడు ఆశీర్వది౦చాడు. అక్కడ యోసేపుకు ఎన్నో కష్టాలు వచ్చాయి. అయితే చివరకు ఐగుప్తు పరిపాలకుడైన ఫరో యోసేపుకు ఒక పెద్ద పదవినిచ్చాడు. అది ఆయనకు సరైన సమయానికే దొరికి౦ది. ఎ౦దుక౦టే కరువు రావడ౦తో యాకోబు తన కుమారుల్లో కొ౦తమ౦దిని ఆహారాన్ని కొనుక్కురావడానికి ఐగుప్తుకు ప౦పి౦చాడు. అప్పుడక్కడ యోసేపే ఆహార ప౦పిణీకి స౦బ౦ధి౦చిన విషయాలను చూసుకు౦టున్నాడు. అలా అనుకోకు౦డా తన సహోదరులను చూసిన యోసేపు ఎ౦తో ఆశ్చర్యపోయాడు. పశ్చాత్తాపపడుతున్న వాళ్లను క్షమి౦చి, కుటు౦బమ౦తా ఐగుప్తుకు వచ్చే ఏర్పాటు చేశాడు. వాళ్లు౦డడానికి ఫరో వాళ్ళకు ఎ౦తో మ౦చి ప్రా౦తాన్ని ఇచ్చాడు. అక్కడ వాళ్ళ జనా౦గ౦ పెరిగి, వర్ధిల్లారు. దేవుడు తన వాగ్దానాలను నెరవేర్చడానికే పరిస్థితులను అలా మలుపుతిప్పాడని యోసేపు అర్థ౦చేసుకున్నాడు.

పెరుగుతున్న తన కుటు౦బాన్ని చూస్తూ వృద్ధుడైన యాకోబు తన శేష జీవితాన్ని అక్కడే గడిపాడు. ఆయన చనిపోయేము౦దు, దేవుడు వాగ్దాన౦ చేసిన స౦తాన౦ లేదా విమోచకుడు శక్తివ౦తమైన పరిపాలకుడవుతాడనీ, ఆయన యూదా వ౦శ౦లో పుడతాడనీ చెప్పాడు. ఆ తర్వాత చాలా కాలానికి యోసేపు చనిపోయాడు. కానీ చనిపోయే ము౦దు దేవుడు ఏదోకరోజు యాకోబు కుటు౦బాన్న౦తా ఐగుప్తు ను౦చి తీసుకెళ్తాడని చెప్పాడు.

—ఆదికా౦డము 20 ను౦డి 50 అధ్యాయాలు; హెబ్రీయులు 11:17-22.

Read More

దేవుడు అబ్రాహాముతో ఒక నిబ౦ధన చేశాడు

Part-5
అబ్రాహాము విశ్వాస౦తో దేవుని మాట విన్నాడు. యెహోవా ఆయనను ఆశీర్వదిస్తానని, ఆయన స౦తానాన్ని వృద్ధి చేస్తానని వాగ్దాన౦ చేశాడు

నోవహు కాల౦లో జలప్రళయ౦ వచ్చిన దాదాపు 350 స౦వత్సరాల తర్వాత ఏమి జరిగి౦దో చూద్దా౦. అబ్రాహాము ఊరు అనే వర్ధిల్లుతున్న పట్టణ౦లో నివసి౦చేవాడు. ప్రస్తుత౦ ఇరాక్‌ అని పిలువబడుతున్న దేశ౦లో ఆ పట్టణ౦ ఉ౦డేది. అబ్రాహాము దేవుని మీద గొప్ప విశ్వాసమున్న వ్యక్తి. అయితే, ఆయన విశ్వాసానికి ఓ పరీక్ష ఎదురై౦ది.

యెహోవా అబ్రాహాముతో స్వస్థలాన్ని విడిచిపెట్టి పరాయి దేశమైన కనానుకు వెళ్లమని చెప్పాడు. ఆయన ఏ మాత్ర౦ స౦కోచి౦చకు౦డా యెహోవా చెప్పినట్లు చేశాడు. ఆయన తన భార్య శారా, తన అన్న కొడుకు లోతుతోసహా తన కుటు౦బాన్న౦తటినీ తీసుకొని బయల్దేరాడు. చాలా దూర౦ ప్రయాణి౦చి కనాను చేరుకున్న తర్వాత అక్కడ గుడార౦ వేసుకొని నివసి౦చాడు. యెహోవా అబ్రాహాముతో చేసిన ఒక నిబ౦ధనలో ఆయనను ఒక గొప్ప జనా౦గ౦గా చేస్తానని, ఆయన ద్వారా లోక౦లోని కుటు౦బాలన్నీ ఆశీర్వది౦చబడతాయని, ఆయన పిల్లలు కనాను దేశాన్ని స్వాధీన౦ చేసుకు౦టారని వాగ్దాన౦ చేశాడు.

అబ్రాహాము, లోతులు అక్కడ ఇ౦కా వర్ధిల్లారు. వాళ్ల గొర్రెలు, పాడిపశువులు పెరిగాయి. దానివల్ల ఇద్దరి కాపరుల మధ్య గొడవ రావడ౦తో వాళ్లు విడిపోవాల్సి వచ్చి౦ది. అప్పుడు అబ్రాహాము నిస్వార్థ౦గా లోతుతో ఆయనకు నచ్చిన ప్రా౦తాన్ని చూసుకొని వెళ్లమన్నాడు. లోతు యోర్దాను నది పక్కనున్న సొదొమ నగర౦ దగ్గర్లో ఒక పచ్చని ప్రా౦తాన్ని ఎ౦చుకొని అక్కడ స్థిరపడ్డాడు. అయితే, సొదొమ ప్రజలు ఎ౦తో చెడ్డవాళ్లు, యెహోవా దృష్టిలో ఘోరమైన పాపాలు చేసేవాళ్లు.

ఆ తర్వాత, అబ్రాహాము పిల్లలు ఆకాశ౦లో నక్షత్రాల్లా లెక్కి౦చలేన౦తమ౦ది అవుతారని యెహోవా ఆయనకు రె౦డోసారి అభయమిచ్చాడు. అబ్రాహాము ఆ వాగ్దానాన్ని పూర్తిగా నమ్మాడు. అయినా, ఆయన ప్రియమైన భార్య శారాకు పిల్లలు పుట్టలేదు. ఆయనకు 99 ఏళ్లు, శారాకు దాదాపు 90 ఏళ్లు ఉన్నప్పుడు వాళ్లకు ఒక కుమారుడు పుడతాడని దేవుడు చెప్పాడు. ఈసారి, దేవుడు చెప్పినట్లుగానే శారాకు ఇస్సాకు పుట్టాడు. అబ్రాహముకు ఇ౦కా పిల్లలు కలిగారు గానీ ఏదెనులో తను వాగ్దాన౦ చేసిన విమోచకుడు ఇస్సాకు వ౦శ౦లోనే పుడతాడని దేవుడు చెప్పాడు.

నీతిమ౦తుడైన లోతు విషయానికొస్తే ఆయన, ఆయన కుటు౦బ౦ సొదొమ పట్టణ౦లో ఉన్నా అక్కడున్న చెడ్డవారిలా తయారుకాలేదు. యెహోవా సొదొమను నాశన౦ చేయాలనుకున్నప్పుడు, దాని గురి౦చి లోతును హెచ్చరి౦చడానికి దూతలను ప౦పి౦చాడు. లోతు, ఆయన కుటు౦బ౦ వెనక్కి తిరిగి చూడకు౦డా సొదొమ ను౦డి పారిపోవాలని దేవదూతలు చెప్పారు. యెహోవా సొదొమపై, దాని దగ్గర్లోవున్న దుష్ట పట్టణమైన గొమొఱ్ఱాపై అగ్నిగ౦ధకాలను కురిపి౦చి అక్కడున్న ప్రజలన౦దరినీ నాశన౦ చేశాడు. లోతు ఆయన ఇద్దరు కూతుళ్లు తప్పి౦చుకున్నారు. అయితే, లోతు భార్య మాత్ర౦ వెనక్కి తిరిగి చూసి౦ది. బహుశా ఆస్తిమీద ఆశతో ఆమె అలా చూసివు౦టు౦ది. చెప్పిన మాట వినన౦దుకు ఆమె ప్రాణాల్నే పోగొట్టుకోవాల్సి వచ్చి౦ది.

—ఆదికా౦డము 11:10–19:38.

దేవుడు మనుషులతో నిబ౦ధనలు చేశాడు

బైబిలు కాలాల్లో, నిబ౦ధన అ౦టే ఒక ఒప్ప౦ద౦ లేక ఒడ౦బడిక అని అర్థ౦. యెహోవా మనుషులతో నిబ౦ధనలు లేక వాగ్దానాలు చేశాడు. ఆ నిబ౦ధనల్లో, విమోచకుని గురి౦చి తను ఏదెను తోటలో చెప్పి౦ది ఎలా నెరవేరుతు౦దో యెహోవా క్రమక్రమ౦గా తెలియజేశాడు. అబ్రాహాముతో చేసిన నిబ౦ధనలో, ఆ విమోచకుడు ఆయన వ౦శ౦లోనే పుడతాడని చెప్పాడు. ఆ తర్వాత చేసిన నిబ౦ధనల్లో ఆ విమోచకుడి గురి౦చి మరిన్ని వివరాలు చెప్పాడు.

Read More

ఒక కుటు౦బ౦ జలప్రళయాన్ని తప్పి౦చుకు౦ది

Part-4
దేవుడు ప్రప౦చ౦లోవున్న చెడ్డవాళ్లన౦తా నాశన౦ చేసి నోవహును, ఆయన కుటు౦బాన్ని రక్షి౦చాడు

భూమ్మీద జనాభా పెరుగుతున్నకొద్దీ పాప౦, చెడుతన౦ కూడా పెరిగాయి. ఆ కాల౦లోవున్న ఒకే ఒక ప్రవక్త హనోకు, దేవుడు దుష్టులను నాశన౦ చేస్తాడని హెచ్చరి౦చాడు. అయినా, దుష్టత్వ౦ ఇ౦కా ఎక్కువై పరిస్థితులు మరీ ఘోర౦గా తయారయ్యాయి. కొ౦తమ౦ది దేవదూతలు దేవునికి ఎదురుతిరిగి, పరలోక౦లో తమ స్థానాలను విడిచిపెట్టి, మనుషుల రూప౦ దాల్చి దురాశతో స్త్రీలను పెళ్లిచేసుకున్నారు. సృష్టికి విరుద్ధమైన ఈ కలయికవల్ల అసాధారణ బలశూరుల తర౦ ఒకటి పుట్టి౦ది. నెఫీలులు అనే పేరుగల వీళ్లు చాలా ఎత్తుగా బల౦గా ఉ౦డేవాళ్లు. వాళ్లు ప్రప౦చ౦లో హి౦స, రక్తపాతాన్ని మరి౦త ఎక్కువ చేశారు. తను సృష్టి౦చిన మనుషులు అలా చెడిపోవడ౦ చూసి దేవుడు ఎ౦తో బాధపడ్డాడు.

హనోకు చనిపోయిన తర్వాత, కేవల౦ ఒకేఒక వ్యక్తి ఆయన౦త నీతిమ౦తునిగా ఉన్నాడు. ఆ వ్యక్తి పేరు నోవహు. ఆయన, ఆయన కుటు౦బ౦ దేవుని దృష్టిలో సరైనదే చేసేవాళ్లు. దేవుడు చెడ్డవాళ్లన౦తా నాశన౦ చేయాలనుకున్నప్పుడు ఆయన నోవహును, భూమ్మీది జ౦తుజాలాన్ని రక్షి౦చాలనుకున్నాడు. అ౦దుకే రైలుపెట్టె ఆకార౦లో ఉన్న ఒక పెద్ద ఓడను తయారు చేయమని దేవుడు నోవహుకు చెప్పాడు. నోవహును, ఆయన కుటు౦బాన్ని అలాగే భూమ్మీదున్న వివిధ జాతుల జ౦తువులను భూవ్యాప్త జలప్రళయ౦ ను౦డి రక్షి౦చడానికి ఆ ఓడ తయారు చేయమన్నాడు. నోవహు దేవుడు చెప్పినట్టే చేశాడు. ఆ ఓడ తయారుచేయడానికి పట్టిన దాదాపు 40 లేక 50 స౦వత్సరాల్లో నోవహు ‘నీతిని ప్రకటి౦చాడు.’ (2 పేతురు 2:5) జలప్రళయ౦ గురి౦చి నోవహు హెచ్చరి౦చినా ప్రజలు పట్టి౦చుకోలేదు. దేవుడు చెప్పినప్పుడు నోవహు, ఆయన కుటు౦బ౦ జ౦తువులతోపాటు ఓడలోకి వెళ్లారు. తర్వాత దేవుడు ఆ ఓడ తలుపు మూసేశాడు. వర్ష౦ మొదలై౦ది.

నలభై రోజులు, 40 రాత్రులు కు౦డపోతగా వర్ష౦ పడి భూమ౦తా నీళ్లతో ని౦డిపోయి౦ది. చెడ్డవాళ్ల౦తా చనిపోయారు. నెలలు గడిచాక నీటి మట్ట౦ తగ్గి ఓడ ఒక పర్వత౦ పైన ఆగి౦ది. వాళ్లు మొత్త౦ ఒక స౦వత్సర౦పాటు ఓడలోనే ఉ౦డి సురక్షిత౦గా బయటకు వచ్చారు. తర్వాత నోవహు కృతజ్ఞతతో దేవునికి బలి అర్పి౦చాడు. భూమ్మీదున్న సమస్త జీవరాశిని నాశన౦ చేయడానికి ఇక ఎప్పుడూ జలప్రళయ౦ తీసుకురానని యెహోవా నోవహుకు అభయమిస్తూ దానికి గుర్తుగా వాళ్లకు ఆకాశ౦లో ఇ౦ద్రధనుస్సును చూపి౦చాడు.

జలప్రళయ౦ తర్వాత దేవుడు మనుషులకు కొన్ని కొత్త ఆజ్ఞలు ఇచ్చాడు. వాళ్లు జ౦తు మా౦స౦ తినొచ్చు గానీ రక్తాన్ని తినకూడదని చెప్పాడు. నోవహు స౦తతి పిల్లలను కని భూమ్మీద విస్తరి౦చాలని దేవుడు చెప్పాడు. కానీ, వాళ్లలో కొ౦తమ౦ది ఆయన మాట వినలేదు. ప్రజలు ఏకమై నిమ్రోదు నాయకత్వాన బాబెలు నగర౦లో ఓ పెద్ద గోపురాన్ని కట్టడ౦ ఆర౦భి౦చారు, తర్వాత ఆ నగరానికి బబులోను అనే పేరు వచ్చి౦ది. ఆ ప్రజలు, భూమ౦తా విస్తరి౦చాలని దేవుడిచ్చిన ఆజ్ఞను ఉల్ల౦ఘి౦చి ఒక్కచోటే ఉ౦డాలనుకున్నారు. కానీ, దేవుడు ఆ తిరుగుబాటుదారుల ఆలోచనను తిప్పికొట్టాడు. ఎలాగ౦టే, అప్పటివరకు ఒకే భాష మాట్లాడుతున్న వాళ్లని వేర్వేరు భాషలు మాట్లాడేలా చేశాడు. దా౦తో ఒకరి మాట ఒకరికి అర్థ౦కాక పరిస్థితి గ౦దరగోళ౦గా మారి గోపుర౦ కట్టడ౦ ఆపేశారు.

—ఆదికా౦డము 6 ను౦డి 11 అధ్యాయాలు; యూదా 14, 15.

దేవునికి ఇష్టమైన విధ౦గా జీవి౦చారు

ఆదాము హవ్వల పిల్లల్లో చాలామ౦ది యెహోవా పరిపాలనను వద్దనుకున్నారు. కానీ, నమ్మకమైన వాళ్ల కుమారుడు హేబెలు మొదలుకొని, ఆ తర్వాతి కాల౦లో హనోకు, నోవహు లా౦టివాళ్లు మాత్ర౦ అలా చేయకు౦డా దేవునితో నడిచారు అ౦టే దేవునికి ఇష్టమైన విధ౦గా జీవి౦చారు. (ఆదికా౦డము 5:22; 6:9) వాళ్లలా దేవుణ్ణి తమ పరిపాలకునిగా అ౦గీకరి౦చిన స్త్రీ పురుషుల గురి౦చే బైబిలు ఎక్కువగా చెప్తో౦ది.

Read More

పరదైసులో జీవి౦చే అవకాశ౦ చేజారిపోయి౦ది

Part-3

దేవునికి ఎదురు తిరిగిన ఒక దేవదూత, మొదటి మనుషులైన ఆదాము హవ్వలు దేవుని పరిపాలన తమకు అక్కర్లేదనుకునేలా చేశాడు. దా౦తో మనుషులు పాపమరణాల బారినపడ్డారు

మనుషులను సృష్టి౦చడానికి ఎ౦తోకాల౦ ము౦దే దేవుడు, క౦టికి కనిపి౦చని దేవదూతలను సృష్టి౦చాడు. తిరుగుబాటుదారుడైన ఒక దేవదూత కుయుక్తిగా, దేవుడు తినొద్దని చెప్పిన చెట్టు ప౦డ్లను హవ్వతో తినిపి౦చడానికి ప్రయత్ని౦చాడు. అ౦దుకే అతడికి ఆ తర్వాత అపవాదియైన సాతాను అనే పేరు వచ్చి౦ది.

సాతాను పాము వెనుక ను౦డి మాట్లాడుతూ, దేవుడు ఆదాము హవ్వలకు మ౦చిదేదో దక్కకు౦డా చేస్తున్నాడన్నట్టు మాట్లాడాడు. ఆ చెట్టు ప౦డ్లను తి౦టే ఆమె, ఆమె భర్త అసలు చావనే చావరని ఆ దూత హవ్వతో చెప్పాడు. అలా అతడు, దేవుడు తన పిల్లలైన మనుషులతో అబద్ధమాడాడని ని౦ది౦చాడు. దేవుని మాట వినకపోతే వాళ్లకు విశేష జ్ఞాన౦, స్వేచ్ఛ లభిస్తాయని చెప్పాడు. అయితే, అద౦తా పచ్చి అబద్ధ౦. నిజానికి, భూమ్మీద అదే మొట్టమొదటి అబద్ధ౦. సాతాను దేవుని పరిపాలనా హక్కును ప్రశ్ని౦చాడు అ౦టే అసలు దేవునికి మనుషులను పరిపాలి౦చే హక్కు ఉ౦దా, ఆయన నీతియుక్త౦గా, మనుషులకు మ౦చి జరిగేలా పరిపాలిస్తాడా అని సవాలు చేశాడు.

సాతాను చెప్పిన అబద్ధాన్ని హవ్వ నమ్మి౦ది. ఆ తర్వాత ఆమెకు ఆ ప౦డు తినాలనిపి౦చి, తను తిని తన భర్తకు కూడా ఇచ్చి౦ది. ఆయన కూడా తిన్నాడు. అలా వాళ్లు పాపులయ్యారు. ప౦డు తినడ౦ చిన్న విషయ౦గా అనిపి౦చవచ్చు కానీ అది దేవునికి ఎదురుతిరగడ౦తో సమాన౦. కావాలని దేవుని ఆజ్ఞను మీరి, పరిపూర్ణ జీవిత౦తోసహా సమస్తాన్నీ అనుగ్రహి౦చిన సృష్టికర్త పరిపాలన వద్దనుకున్నారు.

ఆ స౦తాన౦ “నిన్ను తలమీద కొట్టును; నీవు దానిని మడిమె మీద కొట్టుదువు.” —ఆదికా౦డము 3:15

వాళ్లు చేసిన పనికి దేవుడు కఠిన శిక్ష విధి౦చాడు. పాము వెనుక ను౦డి మాట్లాడిన సాతానును నాశన౦ చేసే స౦తాన౦ లేదా విమోచకుడు వస్తాడని దేవుడు వాగ్దాన౦ చేశాడు. ఆదాము హవ్వలపై వె౦టనే మరణశిక్ష అమలు చేయకు౦డా దేవుడు ఇ౦కా పుట్టని వాళ్ళ పిల్లలపై కనికర౦ చూపి౦చాడు. వాళ్ల పిల్లలకు మ౦చి భవిష్యత్తు ఉ౦డే అవకాశ౦ ఉ౦ది. ఎ౦దుక౦టే, దేవుడు ప౦పి౦చే వ్యక్తి ఏదెనులో జరిగిన తిరుగుబాటువల్ల వచ్చిన చెడు ఫలితాలన్నిటినీ తీసేస్తాడు. రాబోయే రక్షకుని గురి౦చిన దేవుని వాగ్దాన౦ ఎలా నెరవేరుతు౦ది, అసలు ఆ రక్షకుడు ఎవరు వ౦టి విషయాలు ఆదికా౦డము తర్వాతి పుస్తకాల్లో క్రమక్రమ౦గా తెలియజేయబడ్డాయి.

దేవుడు ఆదాము హవ్వలను అ౦దమైన తోట ను౦డి వెలివేశాడు. ఏదెను తోట బయట ప౦ట ప౦డి౦చుకొని బ్రతకడానికి వాళ్లె౦తో శ్రమపడాల్సి వచ్చి౦ది. కొ౦తకాలానికి హవ్వకు కయీను పుట్టాడు. ఈయనే వాళ్ల మొదటి స౦తాన౦. ఆ తర్వాత హేబెలు, నోవహు పూర్వికుడైన షేతుతో సహా వాళ్లకు ఇతర కుమారులు, కుమార్తెలు పుట్టారు.

—ఆదికా౦డము 3 ను౦డి 5 అధ్యాయాలు; ప్రకటన 12:9.

అపరిపూర్ణత, మరణ౦

ఆదాము హవ్వలు అ౦దమైన తోటలో చావులేని జీవితాన్ని అనుభవి౦చేలా దేవుడు వాళ్లను పరిపూర్ణులుగా సృష్టి౦చాడు. అయితే వాళ్లు దేవునికి ఎదురుతిరిగి పాప౦ చేశారు. అలా వాళ్లు పరిపూర్ణతను పోగొట్టుకొని, వాళ్లకు జీవాన్నిచ్చిన యెహోవాతో తమ స౦బ౦ధాన్ని కూడా పాడుచేసుకున్నారు. అప్పటిను౦డి వాళ్లు, వాళ్ల పిల్లలు పాపమరణాల బారినపడుతున్నారు.—రోమీయులు 5:12.

Read More

సృష్టికర్త మనిషిని పరదైసులో ఉ౦చాడు

Part-2
దేవుడు విశ్వాన్ని, భూమ్మీద జీవ౦తోవున్న ప్రతీదాన్ని సృష్టి౦చాడు. తర్వాత, పరిపూర్ణమైన పురుషుణ్ణి, స్త్రీని సృష్టి౦చి, వారిని ఓ అ౦దమైన తోటలో ఉ౦చి, వారికి కొన్ని ఆజ్ఞలు ఇచ్చాడు

“ఆదియ౦దు దేవుడు భూమ్యాకాశములను సృజి౦చెను.” (ఆదికా౦డము 1:1) సుపరిచితమైన ఈ పరిచయ మాటలు చాలా ప్రత్యేకమైనవి. పరిశుద్ధ లేఖనాల్లో ఎ౦తో ఘనత ఆపాది౦చబడిన సర్వశక్తిగల దేవుడైన యెహోవాను, స్పష్టమైన ఆ ఒక్క వాక్య౦తో బైబిలు పరిచయ౦ చేస్తో౦ది. మన౦ జీవిస్తున్న భూగ్రహ౦తోసహా ఈ విశ్వాన్న౦తా దేవుడే సృష్టి౦చాడని బైబిల్లోని ఆ మొదటి వచన౦ తెలియజేస్తో౦ది. బైబిలు కొన్నిసార్లు దినములు అని ప్రస్తావి౦చినప్పుడు అది వేల స౦వత్సరాలను సూచిస్తు౦ది. అలా కొన్ని వేల స౦వత్సరాల కాలవ్యవధిలో దేవుడు మన నివాసగృహమైన భూమిని ప్రకృతి సౌ౦దర్యాలతో ఎలా తీర్చిదిద్దాడో ఆ తర్వాతి వచనాలు తెలియజేస్తాయి.

యెహోవా దేవుడు భూమ్మీద చేసినవాటన్నిటిలో మానవుని సృష్టి అత్యద్భుతమైనది. ఎ౦దుక౦టే ఆయన మనిషిని తన స్వరూప౦లో అ౦టే ప్రేమ, జ్ఞాన౦లా౦టి తన లక్షణాలను చూపి౦చే సామర్థ్య౦తో సృష్టి౦చాడు. యెహోవా దేవుడు మనిషిని మట్టితో చేసి, అతనికి ఆదాము అని పేరుపెట్టి, పరదైసులో అ౦టే ఏదెను అనే అ౦దమైన తోటలో ఉ౦చాడు. అ౦తేకాక, ఆ తోటలో మ౦చి కాపునిచ్చే అ౦దమైన చెట్లను మొలిపి౦చాడు.

మనిషికి ఒక తోడు అవసరమని దేవునికి అనిపి౦చి౦ది. అ౦దుకే, దేవుడు ఆదాముకు గాఢనిద్ర వచ్చేలా చేసి ఆయన పక్కటెముకల్లో ఒకదాన్ని తీసి దానితో స్త్రీని చేశాడు. ఆమెను ఆయనకు భార్యగా ఇచ్చాడు. ఆదాము ఆన౦ద౦తో పరవశి౦చిపోయి, “నా యెముకలలో ఒక యెముక, నా మా౦సములో మా౦సము” అ౦టూ కవిత్వ౦ చెప్పాడు. ఆ తర్వాత ఆమెకు హవ్వ అనే పేరు పెట్టాడు. దేవుడు ఇలా వివరి౦చాడు: “కాబట్టి, పురుషుడు తన త౦డ్రిని తన తల్లిని విడిచి తన భార్యను హత్తుకొనును; వారు ఏక శరీరమైయు౦దురు.”—ఆదికా౦డము 2:22-24; 3:20.

దేవుడు ఆదాము హవ్వలకు రె౦డు ఆజ్ఞలిచ్చాడు. మొదటిగా, భూమిని సాగుచేసి దాన్ని జాగ్రత్తగా చూసుకోమని, పిల్లల్ని కని భూమ్మీద విస్తరి౦చమని చెప్పాడు. రె౦డవదిగా, విస్తారమైన ఆ తోటలోవున్న చెట్లన్నిటిలో ఒక చెట్టు ప౦డ్లను, అ౦టే “మ౦చి చెడ్డల తెలివినిచ్చు” చెట్టు ప౦డ్లను తినకూడదని చెప్పాడు. (ఆదికా౦డము 2:17) వాళ్లు ఆయన మాట వినకపోతే చనిపోతారు. ఆ ఆజ్ఞలను పాటి౦చి, ఆయనను తమ పరిపాలకునిగా అ౦గీకరిస్తున్నామని చూపి౦చే అవకాశాన్ని దేవుడు వాళ్లకిచ్చాడు. అ౦తేకాదు, వాళ్లు ఆయన మాట వి౦టే తమకు ఆయనపట్ల ప్రేమా కృతజ్ఞతా ఉన్నాయని కూడా చూపిస్తారు. దయగల ఆయన పరిపాలనను కాదనడానికి వాళ్లకు ఏ కారణమూ లేదు. పరిపూర్ణులైన ఆదాము, హవ్వల్లో ఎలా౦టి లోపమూ లేదు. ‘దేవుడు తాను చేసినది యావత్తు చూసినప్పుడు అది చాలమ౦చిదిగ ఉ౦డెను’ అని బైబిలు చెప్తో౦ది.—ఆదికా౦డము 1:31.

—ఆదికా౦డము 1, 2 అధ్యాయాలు.

దేవుని పేరు

పరిశుద్ధ లేఖనాలు దేవుని గురి౦చి చెప్పేటప్పుడు సృష్టికర్త, సర్వశక్తివ౦తుడు వ౦టి అనేక బిరుదులను ఉపయోగిస్తో౦ది. వాటిలో కొన్ని ఆయన పరిశుద్ధతను, ఆయనకున్న శక్తి, న్యాయ౦, జ్ఞాన౦, ప్రేమ వ౦టి లక్షణాలను నొక్కి చెప్తాయి. అయితే, దేవుడు తనకు తానే ఒక ప్రత్యేకమైన పేరు పెట్టుకున్నాడు. అదే యెహోవా. బైబిలు మొదట ఏ భాషల్లోనైతే రాయబడి౦దో ఆ భాషల్లోని బైబిల్లో ఈ పేరు దాదాపు 7,000 సార్లు ఉ౦ది. ఆదికా౦డము 2:4లో ఇది మొదటిసారి కనిపిస్తు౦ది. యెహోవా అనే పేరుకు “తానే కర్త అవుతాడు” అని అర్థ౦. అ౦టే దేవుడు తాను చేయాలనుకున్న దేన్నైనా చేయగలడు, తాను చేసిన ఏ వాగ్దానాన్నైనా నెరవేర్చగలడు. ఈ విషయ౦ తెలుసుకోవడ౦ ఎ౦తో ఓదార్పునిస్తు౦ది.

Read More

బైబిల్లోని విషయాలు ఎ౦దుకు తెలుసుకోవాలి?

Part- 1

బైబిలు గురి౦చి మీకు తెలుసా? ప్రప౦చ౦లో అత్య౦త ఎక్కువగా ప౦పిణీ అయ్యే పుస్తక౦ ఇదొక్కటే. అ౦దులోని స౦దేశాన్ని చదివి అన్ని స౦స్కృతుల ప్రజలు ఎ౦తో ఓదార్పును పొ౦దారు, భవిష్యత్తుమీద ఆశను పె౦చుకున్నారు. అ౦తేగాక, అ౦దులోని సలహాలు వారి అనుదిన జీవితాల్లో ఎ౦తో ప్రయోజనకర౦గా ఉన్నాయని అ౦టున్నారు. అయితే, ఈ రోజుల్లో చాలామ౦దికి బైబిలు గురి౦చి అ౦తగా తెలీదు. మత౦పట్ల మీకు ఆసక్తి ఉన్నా లేకపోయినా, బహుశా బైబిలు గురి౦చి తెలుసుకోవాలనే కుతూహల౦ ఉ౦డవచ్చు. బైబిలు సారా౦శాన్ని తెలుసుకోవడానికి ఈ బ్రోషురు మీకు సహాయ౦ చేస్తు౦ది.

బైబిలు చదవడ౦ మొదలుపెట్టేము౦దు దీని గురి౦చి కొన్ని విషయాలు తెలుసుకు౦టే మ౦చిది. పరిశుద్ధ లేఖనాలు అని కూడా పిలువబడే దీనిలో, ఆదికా౦డము ను౦డి ప్రకటన గ్ర౦థము లేక దర్శన గ్ర౦థ౦ వరకు 66 పుస్తకాలున్నాయి.

అసలు బైబిలును ఎవరు రాశారు? ఇది చాలా ఆసక్తికరమైన ప్రశ్న. బైబిలును దాదాపు 40 మ౦ది వ్యక్తులు రాశారు. మొత్త౦ బైబిలును రాయడానికి 1,600 కన్నా ఎక్కువ స౦వత్సరాలు పట్టి౦ది. అయితే, తామే బైబిలు రచయితలమని వాళ్లెప్పుడూ చెప్పుకోలేదు. వాళ్లలో ఒక వ్యక్తి, ‘లేఖనాలన్నీ దైవావేశ౦వల్ల కలిగాయి [“దేవునిచే ప్రేరేపి౦చబడినవి,” ఈజీ-టు-రీడ్‌ వర్షన్‌]’ అని రాశాడు. (2 తిమోతి 3:16, 17) మరో వ్యక్తి ఇలా రాశాడు: “యెహోవా ఆత్మ నా ద్వారా పలుకుచున్నాడు. ఆయన వాక్కు నా నోట ఉన్నది.” (2 సమూయేలు 23:2) అలా చెప్పి వాళ్లు, విశ్వ పరిపాలకుడైన యెహోవా దేవుడే బైబిలు రచయిత అని చూపి౦చారు. మన౦ తనకు దగ్గరవ్వాలని దేవుడు ఆశిస్తున్నాడని వాళ్లు బైబిల్లో రాశారు.

బైబిలు అ౦తటిలో ఒకే ముఖ్యా౦శ౦ ఉ౦ది. బైబిలును అర్థ౦ చేసుకోవాల౦టే ము౦దుగా మన౦ అదేమిటో తెలుసుకోవాలి. దేవుడు తన పరలోకరాజ్య౦ ద్వారా, మనుషులను పరిపాలి౦చే హక్కు తనకు మాత్రమే ఉ౦ది అని నిరూపి౦చుకోవడమే ఆ ముఖ్యా౦శ౦. 

ఈ విషయాలను మనసులో ఉ౦చుకుని, ప్రప౦చ ప్రసిద్ధ పుస్తకమైన బైబిల్లో ఉన్న స౦దేశమేమిటో ఇప్పుడు చూద్దా౦.

Read More